ས་གནས་དེ་གའི་དུས་ཚོད་ཟླ་11ཚེས་18ཉིན་གྱི་སྔ་དྲོར་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པར་ཙིར་ལི་གཡོད་རེ་ནེ་ལུའུ་རུ་འཚོགས་པའི་རྒྱལ་ཁབ་ཉི་ཤུ་ཚོགས་པའི་འགོ་ཁྲིད་པའི་དབུ་ཚོཊ་ཐེངས་བཅུ་དགུ་པར་ཞུཊ་པ།

ཤིན་ཧྭ་གསར་འགྱུར་ཁང་ལི་གཡོད་རེ་ནེ་ལུའུ་ནས་ཟླ་11ཚེས་18ཉིན་གློག་འཕྲིན་འབྱོར་གསལ། ས་གནས་དེ་གའི་དུས་ཚོད་ཟླ་11ཚེས་18ཉིན་གྱི་སྔ་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པར་ཙིར་ལི་གཡོད་རེ་ནེ་ལུའུ་རུ་འཚོགས་པའི་རྒྱལ་ཁབ་ཉི་ཤུའི་ཚོགས་པའི་འགོ་ཁྲིད་པའི་དབུ་ཚོགས་ཐེངས་བཅུ་དགུ་པར་ཞུགས་པ་རེད།

དབུ་ཚོགས་ཀྱི་དུས་མཚམས་དང་པོར“བཀྲེས་ལྟོགས་དང་དབུལ་ཕོངས་ལ་འགོག་རྒོལ་བྱེད”ཅེས་པའི་གྲོས་གཞིར་གྲོས་བསྡུར་གནང་སྐབས། ཞི་ཅིན་ཕིང་གིས《ཐུན་མོང་ཐོག་འཕེལ་རྒྱས་འགྲོ་བའི་དྲང་བདེན་གྱི་འཛམ་གླིང་ཞིག་བསྐྲུན་དགོས》ཞེས་པ་ཁ་བྱང་དུ་བྱས་པའི་གསུང་བཤད་གལ་ཆེན་གནང་བ་རེད།

ཞི་ཅིན་ཕིང་གིས་གསུངས་དོན། དེང་གི་འཛམ་གླིང་ལ་ལོ་བརྒྱའི་ནང་བྱུང་མྱོང་མེད་པའི་འགྱུར་ལྡོག་མགྱོགས་པོ་འགྲོ་བཞིན་ཡོད་པས། མིའི་རིགས་ཀྱི་འཕེལ་རྒྱས་ལ་འཕྲད་པའི་གོ་སྐབས་དང་འགྲན་སློང་སྔར་བྱུང་མྱོང་མེད་པ་ཞིག་ཡིན། འཛམ་གླིང་ཐོག་གི་རྒྱལ་ཁབ་ཆེན་པོ་གཙོ་བོའི་འགོ་ཁྲིད་པ་ཞིག་ཡིན་པའི་ངོས་ནས། ང་ཚོར་དཀའ་ངལ་དང་འགྲན་སློང་འཕྲད་དུས་ཁ་གཏད་གཅོག་པ་དང་ཁྱད་བསད་བྱེད་པའི་བློ་སྟོབས་ཡོད་དགོས་པ་དང་། ལས་དབང་གཅིག་མཐུན་ཚོགས་པའི་འདུ་ཤེས་བཟུང་སྟེ། ལོ་རྒྱུས་ཀྱི་འགན་འཁྲི་ཁུར་བ་དང་ལོ་རྒྱུས་ཀྱི་རང་འགུལ་མངོན་པའི་ཐོག་ནས་ལོ་རྒྱུས་ཡར་ཐོན་ལ་སྐུལ་འདེད་གཏོང་དགོས། ཀྲུང་གོས་རྒྱལ་ཁབ་ཉི་ཤུ་ཚོགས་པའི་འགོ་ཁྲིད་པའི་ཧང་ཀྲོའུ་དབུ་ཚོགས་གཙོ་གཉེར་བྱེད་སྐབས། འཕེལ་རྒྱས་ཀྱི་གྲོས་གཞི་དེ་སྤྱི་ཁོག་དཔལ་འབྱོར་སྲིད་ཇུས་མཐུན་སྦྱོར་གྱི་ལྟེ་བའི་གནས་བབ་ཐོག་ཐོག་མར་བཞག་པ་དང་། ད་ཐེངས་ཀྱི་ལི་གཡོད་རེ་ནེ་ལུའུ་ཡི་དབུ་ཚོགས་ཐོག“དྲང་བདེན་གྱི་འཛམ་གླིང་དང་རྒྱུན་མཐུད་རུང་བའི་སྐར་མའི་གོ་ལ་ཞིག་གཏོད་དགོས”ཞེས་པ་གཙོ་དོན་དུ་བྱས་པ་དང་འབྲེལ“བཀྲེས་ལྟོགས་དང་དབུལ་ཕོངས་ལ་འགོག་རྒོལ་བྱེད་པའི་གོ་ལ་ཧྲིལ་པོའི་མནའ་འབྲེལ”འཛུགས་རྒྱུའི་གཏན་འབེབས་ཀྱང་བྱས་པ་རེད། ཧང་ཀྲོའུ་ནས་ལི་གཡོད་རེ་ནེ་ལུའུ་ཡི་བར། ང་ཚོས་དམིགས་ཚད་གཅིག་གི་ཆེད་དུ་འབད་བརྩོན་བྱེད་བཞིན་ཡོད་དེ། ཐུན་མོང་ཐོག་འཕེལ་རྒྱས་འགྲོ་བའི་དྲང་བདེན་གྱི་འཛམ་གླིང་ཞིག་བསྐྲུན་རྒྱུ་དེ་ཡིན། འཛམ་གླིང་འདི་འདྲ་ཞིག་བསྐྲུན་ཆེད། ང་ཚོས་ཉོ་ཚོང་མ་འཇོག་དང་གོང་སྤེལ་མཉམ་ལས་སོགས་ཀྱི་ཁྱབ་ཁོངས་སུ་ཐོན་ཁུངས་ཀྱི་གཏོང་སྒོ་མང་དུ་གཏོང་བ་དང་གོང་སྤེལ་ལས་ཁུངས་སྟོབས་ལྡན་འཛུགས་པ། མཉམ་ལས་ཀྱི་ཟམ་པ་མང་ཙམ་འཛུགས་པ། “སྒོ་ར་ཆུང་ཆུང་སྐོར་བ་དང་གྱང་མཐོན་པོ་བརྩེཊ་པའི་བྱེད་སྟངས་མི་བྱེད་པ”བཅས་ཀྱི་ཐོག་ནས་འཕེལ་རྒྱས་འགྲོ་བཞིན་པའི་རྒྱལ་ཁབ་སྔར་ལས་མང་བས་འཚོ་བ་སྐྱིད་པོ་ཞིག་རོལ་ཐུབ་པ་དང་། དེང་རབས་ཅན་མངོན་འགྱུར་ཐུབ་པར་བྱེད་དགོས་པ། འཕེལ་རྒྱས་འགྲོ་བཞིན་པའི་རྒྱལ་ཁབ་ཀྱིས་རྒྱུན་མཐུད་རུང་བའི་ཐོན་སྐྱེད་དང་འཚོ་བ་སྐྱེལ་སྟངས་སྤྱོད་པར་རྒྱབ་སྐྱོར་བྱེད་པ་དང་། གནམ་གཤིས་འགྱུར་ལྡོག་དང་སྐྱེ་དངོས་ཀྱི་སྣ་མང་རང་བཞིན་བརླག་འགྲོ་བ། ཁོར་ཡུག་སྦགས་བཙོག་སོགས་ཀྱི་འགྲན་སློང་བཅས་ལ་ཁ་གཏད་འོས་འཚམ་གཅོག་པ། འབྱུང་ཁམས་དཔལ་ཡོན་འཛུགས་སྐྱོང་བྱེད་པ་བཅས་ཀྱིས་མི་དང་རང་བྱུང་ཁམས་འཆམ་མཐུན་མཉམ་གནས་ཡོང་བར་བྱེད་དགོས། （པར་ངོས་བཞི་པར་གཟིགས）