（པར་ངོས་དང་པོར་མཐུད）ཞི་ཅིན་ཕིང་གིས་ཀྲུང་དབྱིན་རྒྱལ་ཁབ་གཉིས་པོའི་ལོ་རྒྱུས་རིག་གནས་དང་།རིན་ཐང་གི་འདུ་ཤེས།སྤྱི་ཚོགས་ཀྱི་ལམ་ལུགས་བཅས་དབར་ཧེ་བག་ཡོད་ཀྱང་ཐུན་མོང་གི་ཁེ་ཕན་རྒྱ་ཁྱབ་ཡིན་པས།ཕྱོགས་གཉིས་པོས་རྗེས་དཔག་དང་ཕྱི་རོལ་ཡུལ་དང་མཐུན་པའི་སྒོ་ནས་ཕ་རོལ་པོའི་འཕེལ་རྒྱས་ལ་ལྟ་སྟངས་འཛིན་པ་དང་།འཐབ་ཇུས་འབྲེལ་གཏུགས་ལ་ཤུགས་སྣོན་རྒྱག་པ།ཆབ་སྲིད་ཐད་ཕན་ཚུན་ཡིད་ཆེས་བྱེད་ཤུགས་ཆེ་རུ་གཏོང་བ་བཅས་བྱས་ནས་ཀྲུང་དབྱིན་དབར་གྱི་འབྲེལ་བ་བརྟན་པོ་དང་།ཏན་ཏིག རྒྱང་རིང་བཅས་ཀྱི་ཕྱོགས་སུ་བསྐྱོད་རྒྱུའི་འགན་ལེན་བྱེད་དགོས་པ་དང་།རྒྱལ་ཁབ་གཉིས་པོར་ཚོང་དོན་མ་འཇོག་དང་།དྭངས་གཙང་ནུས་རྒྱུ། དངུལ་རྩའི་ཞབས་ཞུ།སྨན་བཅོས་དམངས་འཚོ་སོགས་ཁྱབ་ཁོངས་སུ་ཡངས་ཤིང་རྒྱ་ཆེ་བའི་མཉམ་ལས་ཀྱི་བར་མཐོངས་ཡོད་པས།རྒྱུན་ཆད་མེད་པར་རྒྱ་ཆེར་བཏང་ནས་རྒྱལ་ཁབ་གཉིས་པོའི་མི་དམངས་ལ་དེ་བས་ལེགས་པའི་ཕན་པ་ཐོབ་པར་བྱེད་དགོས།ཕྱོགས་གཉིས་པོས་གླེང་མང་བའི་གནད་དོན་ཆབ་སྲིད་ཐོག་ནས་ཐག་གཅོད་བྱ་རྒྱུར་སྐུལ་འདེད་གཏོང་བ་དང་མི་ཐབས་རིག་ནུས་ཀྱི་གོ་ལ་ཧྲིལ་པོའི་བཅོས་སྐྱོང་ལ་ཤུགས་སྣོན་བརྒྱབ་ནས་འཛམ་གླིང་གི་དཔལ་འབྱོར་འཕར་རྒྱུར་སྐུལ་འདེད་གཏོང་བ་དང་རྒྱལ་ཁབ་ཁག་ཐུན་མོང་ཐོག་འཕེལ་རྒྱས་འགྲོ་ཆེད་ལེགས་སྐྱེས་འབུལ་དགོས་ཞེས་ནན་གསུངས་གནང་བ་རེད།

སི་ཐ་མོས་དབྱིན་ཀྲུང་དབར་རྒྱ་ཁྱབ་ཀྱི་ཐུན་མོང་ཁེ་ཕན་ལྡན་ཡོད་པས་གོ་ལ་ཧྲིལ་པོའི་རང་བཞིན་གྱི་འགྲན་སློང་ཐག་གཅོད་དང་འཛམ་གླིང་གི་ཞི་བདེ་དང་འཕེལ་རྒྱས་སྲུང་སྐྱོང་བྱེད་པའི་ཐད་འགན་འཁྲི་གལ་ཆེན་ཡོད།དབྱིན་ཀྲུང་གི་རྒྱུན་སྲིང་ནུས་ལྡན་གྱི་འབྲེལ་བ་དེ་རྒྱལ་ཁབ་གཉིས་པོ་དང་འཛམ་གླིང་གི་ངོས་ནས་བརྗོད་ན་ཧ་ཅང་གལ་འགངས་ཆེན་པོ་ཞིག་རེད།དབྱིན་ཇི་ཕྱོགས་ཀྱིས་ཕན་ཚུན་བརྩི་འཇོག་དང་འདྲ་མཉམ་ཟོལ་མེད་ཀྱི་སྙིང་སྟོབས་ཐོག་ནས་ཀྲུང་གོ་ཕྱོགས་དང་སྐད་ཆ་ཤོད་རེས་བྱ་རྒྱུར་ཤུགས་སྣོན་རྒྱག་པ་དང་ཕན་ཚུན་ཤེས་རྟོགས་བྱེད་ཟབ་ཏུ་བཏང་སྟེ་དཔལ་འབྱོར་ཚོང་དོན་དང་།ཚན་རྩལ།ནོར་སྲིད་དངུལ་རྩ།འཕྲོད་བསྟེན་སྨན་བཅོས།སློབ་གསོ།གནམ་གཤིས་འགྱུར་ལྡོག་ལ་ཁ་གཏད་གཅོག་པ་སོགས་ཁྱབ་ཁོངས་ཆེན་པོའི་ནང་སྤེལ་རེས་མཉམ་ལས་བྱ་རྒྱུའི་རེ་བ་ཡོད།དབྱིན་ཇི་དང་ཀྲུང་གོ་ཕྱོགས་ཀྱིས་ཕྱོགས་མང་རིང་ལུགས་མཐའ་འཁྱོངས་བྱེད་པ་དང་།དབྱིན་ཇི་ཕྱོགས་ཀྱིས་ཀྲུང་གོ་ཕྱོགས་དང་ཕྱོགས་མང་འབྲེལ་གཏུགས་མཐུན་སྦྱོར་ལ་ཤུགས་སྣོན་བརྒྱབ་ནས་ས་ཁུལ་གྱི་གླེང་མང་བའི་གནད་དོན་ཆབ་སྲིད་ཀྱི་ཐོག་ནས་ཐག་གཅོད་བྱ་རྒྱུར་སྐུལ་འདེད་གཏོང་འདོད་ཡོད་ཅེས་གསུངས་པ་རེད།

ཚའེ་ཆི་དང་ཝང་དབྱི་སོགས་མཇལ་འཛོམས་ནང་ཞུགས་པ་རེད།

（བུ་ཆུང་གིས་སྒྱུར་ཞུས་བྱས）