ཤིན་ཧྭ་གསར་འགྱུར་ཁང་པེ་ཅིང་ནས་ཟླ་11ཚེས་15ཉིན་གློག་འཕྲིན་འབྱོར་གསལ།ཟླ་11ཚེས་16ཉིན་དཔེ་སྐྲུན་བྱས་པའི《བདེན་འཚོལ》དུས་དེབ་འདོན་ཐེངས་22པའི་ཐོག ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་།རྒྱལ་ཁབ་ཀྱི་ཀྲུའུ་ཞི།ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གི་རྩོམ་ཡིག་གལ་ཆེན་ཏེ《མི་འབོར་སྤུས་ཚད་མཐོ་བའི་འཕེལ་རྒྱས་ལ་བརྟེན་ནས་ཀྲུང་གོའི་ལུགས་ཀྱི་དེང་རབས་ཅན་ལ་འདེགས་སྐྱོར་བྱེད་དགོས》ཞེས་པ་བཀོད་ཡོད།

རྩོམ་ཡིག་ནང་།རང་རྒྱལ་ནི་དུས་ཡུན་རིང་པོའི་ནང་འཛམ་གླིང་ཐོག་མི་འབོར་མང་ཤོས་ཀྱི་རྒྱལ་ཁབ་ཅིག་ཡིན་པ་དང་།མི་འབོར་འཕེལ་རྒྱས་ནི་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་དང་འབྲེལ་བ་ཡོད་པའི་དོན་ཆེན་ཞིག་རེད།ཕྱོགས་བསྡུས་ཞིབ་འཇུག་དང་བརྡར་ཤ་བཅད་པ་ལྟར་ན།དཔལ་འབྱོར་དང་སྤྱི་ཚོགས་འཕེལ་རྒྱས་དང་མི་འབོར་གྱི་ལོ་ནའི་གྲུབ་ཆར་འགྱུར་བ་བྱུང་བ་དང་བསྟུན་ནས།རང་རྒྱལ་སྤྱིའི་ཆ་ནས་མི་འབོར་འཕར་ཚད་འཕེལ་རྒྱས་ནས་གྲངས་འབོར་ཉུང་འཕྲི་ཡི་དུས་རིམ་དུ་བསྒྱུར་བ་དང་། མི་འབོར་འཕེལ་རྒྱས་དེ་ཕྲུ་གུ་ཉུང་བ་དང་། ན་རྒས་ཅན། ས་ཁོངས་མི་འབོར་འཕར་ཆག་གི་དབྱེ་བ་ཆེ་བ་སོགས་མངོན་གསལ་དོད་པའི་འཕེལ་ཕྱོགས་རང་བཞིན་གྱི་ཁྱད་ཆོས་མངོན་ཡོད།

（པར་ངོས་གསུམ་པར་གཟིགས）