ཞི་ཅིན་ཕིང་གིས་རིག་གནས་དང་རང་བྱུང་ཤུལ་བཞག་ལ་སྲུང་སྐྱོང་དང་རྒྱུན་འཛིན་བེད་སྤྱོད་བཅས་ཀྱི་ལས་དོན་ལ་ཤུགས་སྣོན་རྒྱག་རྒྱུའི་ཐད་མཛུབ་སྟོན་གལ་ཆེན་གནང་སྐབས།
ཀྲུང་ཧྭ་མི་རིགས་ཀྱི་རིག་གནས་དང་རང་བྱུང་གཅེས་ནོར་ལ་སྲུང་སྐྱོང་ཡག་པོ་བྱས་ཏེ་དུས་རབས་གསར་པར་རིག་གནས་དང་རང་བྱུང་ཤུལ་བཞག་ལ་གསོན་ཤུགས་གསར་པ་འཕེལ་བ་དང་གཟི་མདངས་གསར་པ་རབ་ཏུ་འཕྱུར་བར་བྱེད་དགོས་པའི་ནན་གསུངས་གནང་བ།
ཤིན་ཧྭ་གསར་འགྱུར་ཁང་པེ་ཅིང་ནས་ཟླ་8ཚེས་6ཉིན་གློག་འཕྲིན་འབྱོར་གསལ། ཉེ་ཆར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་རིག་གནས་དང་རང་བྱུང་ཤུལ་བཞག་ལ་སྲུང་སྐྱོང་དང་།རྒྱུན་འཛིན། བེད་སྤྱོད་བཅས་ཀྱི་ལས་དོན་ལ་ཤུགས་སྣོན་རྒྱག་རྒྱུའི་ཐད་མཛུབ་སྟོན་གལ་ཆེན་གནང་ནས་བསྟན་དོན། པེ་ཅིང་གི་དཀྱིལ་ཐིག་སྟེ་ཀྲུང་གོའི་ཕུགས་བསམ་གྲོང་ཁྱེར་གྱི་སྒྲིག་ལམ་གྱི་ཕུལ་བྱུང་བརྩམས་ཆོས་དང་པ་ཏན་ཅི་ལིན་བྱེ་ཐང་སྟེ་བྱེ་རིའི་མཚེའུ་ཚོགས་པ། ཀྲུང་གོའི་ཧོང་ཧའེ་རྒྱ་མཚོའི་དུས་བྱ་འཚོ་སྡོད་ཁུལ（དུས་ཐེངས་གཉིས་པ）བཅས《འཛམ་གླིང་ཤུལ་བཞག་གི་མིང་གཞུང》ནང་བདེ་བླག་ངང་བཅུག་པ་དང་། དེས་དངོས་པོའི་དཔལ་ཡོན་དང་བསམ་པའི་དཔལ་ཡོན་ཕན་ཚུན་མཐུན་སྦྱོར་བྱེད་པ་དང་། མི་དང་རང་བྱུང་ཁམས་འཆམ་མཐུན་མཉམ་གནས་ཀྱི་ཀྲུང་གོའི་ལུགས་ཀྱི་དེང་རབས་ཅན་འཛུགས་སྐྲུན་བྱ་རྒྱུར་དགེ་མཚན་ལྡན་པའི་དོན་སྙིང་ལྡན་ཡོད་ཅིང་། འཛམ་གླིང་ཤེས་རིག་གི་མེ་ཏོག་ལྡུམ་རར་མཛེས་སྡུག་ལྡན་པའི་ཚོན་མདངས་ཤིག་བསྣན་ཡོད།
ཞི་ཅིན་ཕིང་གིས་ནན་གསུངས་གནང་དོན། ད་ཐེངས་ཀྱི་ཤུལ་བཞག་ནང་རེ་ཞུ་བྱས་ནས་གྲུབ་འབྲས་ཐོབ་པ་གོ་སྐབས་སུ་བྱས་ཏེ། རིག་གནས་དང་རང་བྱུང་ཤུལ་བཞག་གི་སྤྱི་ཡོངས་རང་བཞིན་དང་། མ་ལག་རང་བཞིན་གྱི་སྲུང་སྐྱོང་ལ་སྔར་བས་ཤུགས་སྣོན་བརྒྱབ་སྟེ། ཤུལ་བཞག་སྲུང་སྐྱོང་གི་ནུས་པ་དང་ཆུ་ཚད་མཐོ་རུ་ཏན་ཏིག་བཏང་ནས། （པར་ངོས་བཞི་པར་གཟིགས）
藏公网安备 54010202000024号