（པར་ངོས་དང་པོར་མཐུད）ཚོགས་འདུའི་ཐོག་གྲོང་ཁྱེར་ཡོངས་ཀྱི་གོང་འོག་ཚང་མས་ཕྱོགས་ཡོངས་ནས་སྒྱུར་བཅོས་སྔར་བས་ཟབ་ཏུ་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གསར་པ་དང་ལྟ་བ་གསར་པ།ཆོད་གཏམ་གསར་པ་རབ་དང་རིམ་པ་དང་ཚང་འཛོམས་གྲོས་ཚོགས་ཐོག་གྲོས་ཞིབ་བྱས་ནས་གྲོས་འཆམ་བྱུང་བའི《གཏན་འབེབས》ལ་བརྟེན་ནས་བསམ་བློ་གཅིག་གྱུར་ཡོང་རྒྱུ་མཐའ་འཁྱོངས་ཀྱིས་ཕྱོགས་ཡོངས་ནས་སྒྱུར་བཅོས་སྔར་བས་ཟབ་ཏུ་གཏོང་བའི་བརྗོད་དོན་གཙོ་བོ་དང་། དོན་སྙིང་གལ་ཆེན། དམིགས་ཚད་བླང་བྱ། རྩ་དོན་གལ་ཆེན།བྱ་ཐབས་གལ་ཆེན། ཚན་རིག་དང་མཐུན་པའི་བྱ་ཐབས། རྩ་བའི་འགན་ལེན་བཅས་ལ་གོ་བ་གཏིང་ཟབ་བླངས་ནས་སློབ་སྦྱོང་དང་ལག་བསྟར་བྱེད་པའི་ཚ་རླབས་ཤིག་འཕྱུར་བ་དང་། སློབ་སྦྱོང་གི་གྲུབ་འབྲས་དེ“2+3+2”ཀྱི་ཆེད་དོན་བཅོས་སྒྲིག་ལས་དོན་དང“བྱ་སྤྱོད་ཆེན་པོ་གསུམ”སོགས་གྲོང་ཨུད་ཀྱི་གཙོ་གནད་ལས་དོན་ཁག་ཡག་པོ་སྒྲུབ་པའི་བསམ་ཕྱོགས་དང་བྱ་ཐབས་སུ་འགྱུར་རྒྱུར་ཤུགས་སྣོན་བརྒྱབ་ནས་ཏང་ཀྲུང་དབྱང་གིས་བཀོད་པའི་བརྗིད་ཆེའི་འཆར་གཞི་དེ་ཀྲུང་གོའི་ལུགས་ཀྱི་དེང་རབས་ཅན་གྱི་ལྷ་སའི་ལག་བསྟར་གྱི་ལེའུར་ཏན་ཏིག་འགྱུར་བར་བྱེད་དགོས་པའི་བླང་བྱ་བཏོན་ཡོད།

ཚོགས་འདུ་འདི་ཉིད་བརྙན་ལམ་གྱི་རྣམ་པའི་ཐོག་ནས་འཚོགས་པ་དང་། གྲོང་ཁྱེར（ཀྲུང་དབྱང）ཐད་གཏོགས་སྡེ་ཚན་དང་ཚན་པའི་འབྲེལ་ཡོད་འགན་འཁུར་བློ་མཐུན་ཚོགས་ར་གཙོ་བོར་ཞུགས་པ་རེད། རྫོང（ཆུས）ཁག་དང་ནུས་པའི་གླིང་ཁུལ་ཁག་ཏུ་ཡན་ལག་ཚོགས་ར་བཙུགས་ཡོད་པ་རེད།

（སྟོབས་རྒྱལ་གྱིས་སྒྱུར་ཞུས་བྱས）