པར་①འདི་ནི་ཟླ་11ཚེས་22ཉིན། ཁྲུང་ཆིང་གྲོང་ཁྱེར་ཧྲི་ཀྲུའུ་རྫོང་ཀྲུང་དབྱི་ཤང་གི་ཞིང་པས་མི་མེད་གནམ་གྲུ་བཏང་ནས་ར་མཉེ་ལ་ལུད་སྐྱེལ་འདྲེན་བྱེད་བཞིན་པའི་རྣམ་པ་ཡིན། ཁྲུང་ཆིང་གྲོང་ཁྱེར་ཧྲི་ཀྲུའུ་ཐུའུ་ཅ་རིགས་རང་སྐྱོང་རྫོང་ཀྲུང་དབྱི་ཤང་ནི་ཝུའུ་ལིང་རི་ཁུལ་གྱི་དབུས་སུ་གནས་ཤིང་། ཉེ་བའི་ལོ་ཤས་རིང་། ཀྲུང་དབྱི་ཤང་གིས་ཐོན་ཁུངས་ཀྱི་ལེགས་ཆར་གཞི་ཚུགས་ནས།ཐོན་ལས་དར་རྒྱས་ལ་རྒྱུན་མཐུད་ངང་སྐུལ་འདེད་བཏང་བ་དང་། ཤང་ཡོངས་ཀྱིས་ར་མཉེ་དང་ཧོང་ལེན་འདེབས་འཛུགས་བྱས་པ་དང་སྦྲགས། སྦྲང་ནོར་བུ་གསོ་བ་དང་དེ་བཞིན་སེ་ཡབ་དང་ཁམ་བུ་སོགས་ཁྱད་ལྡན་ཐོན་ལས་འཕེལ་རྒྱས་སུ་བཏང་སྟེ།དེང་རབས་ཞིང་ལས་ཀྱི་མ་ལག་ཅིག་བཏོད་ཡོད། གཞན་ཡང་། ཀྲུང་དབྱི་ཤང་གིས་ད་དུང་གནས་འཕྲོད་ལ་འཚམ་པའི་ཁོར་ཡུག་བཅོས་སྒྲིག་བྱེད་ཤུགས་ཆེ་རུ་གཏོང་བ་དང་། ལམ་དང་། ཆུ། གློག འཕྲིན་གཏོང་སོགས་རྨང་གཞིའི་སྒྲིག་བཀོད་འཐུས་སྒོ་ཚང་དུ་བཏང་ནས།རྒྱལ་ཡོངས་ཀྱི་མཛེས་སྡུག་ལྡན་པའི་སྤྲོ་གསེང་གྲོང་གསེབ་གྲུབ་འབྲས་ཐོབ་པའི་ངང་བཏོད་དེ།ཡུལ་སྐོར་བ་མང་པོ་ཞིག་གནས་འདིར་ཡུལ་སྐོར་དུ་ཡོང་རྒྱུའི་ཡིད་དབང་བཀུག་ཅིང་།རི་ཆུའི་རྣམ་པ་དེ་དཔལ་འབྱོར་གྱི་རིན་ཐང་དུ་འགྱུར་བར་བྱས་ཡོད། （ཕུར་སྒྲོན་གྱིས་སྒྱུར་ཞུས་བྱས）