（པར་ངོས་དང་པོར་མཐུད）རྒྱ་ཡིག་གི་རྒྱལ་སྤྱིའི་འཕྲིན་ལམ་ཐོག་སྟོན་རྒྱུ་དང་། ཀྲུང་དབྱང་བརྙན་འཕྲིན་ལས་ཁུངས་ཀྱི་གསར་འགྱུར་དང་། ཀྲུང་དབྱང་བརྙན་འཕྲིན་ལས་ཁུངས་ཀྱི་བརྙན་ལམ། ཀྲུང་དབྱང་བརྙན་འཕྲིན་ལས་ཁུངས་ཀྱི་དྲ་བ་སོཊ་སྤྱི་ཁྱབ་ལས་ཁུངས་ཀྱི་སྨྱན་སྦྱོར་གསར་པའི་སྟེཊ་བུའི་ཐོག་དུས་གཅིག་ཏུ་སྟོན་རྒྱུ་ཡིན་པ་རེད།

《འོད་སྟོང་འཕྲོ་བའི་ལོ་ངོ་དྲུག་ཅུ་སྟེ། ས་མཐོའི་སྙན་ངག་ལེའུ》ཞེས་པར་ཁྱོན་ལེའུ་དྲུག་དང་ལེའུ་རེར་དུས་ཚོད་སྐར་མ་30ཡོད་ཅིང་། དེ་དག་ཁག་སོ་སོ་ནི《ལོ་ངོ་སྟོང་གི་མཆོང་བརྒལ》དང་། 《ཁྱིམ་དང་རྒྱལ་ཁབ་ཀྱི་སེམས་མཐུན》 《གསར་པའི་ཕྱོགས་སུ་སྐྱོད་པ》 《གངས་རིའི་གླུ་དབྱངས》 《ཞི་མཐུན་མཉམ་གནས》 《བློ་ཁ་ཕྱོགས་ས》བཅས་རེད། པར་གཞི་དེ་དག་གིས་བོད་ལྗོངས་འདི་ཉིད་ཀྲུང་གོ་གུང་ཁྲན་ཏང་གི་སྟོབས་ལྡན་འགོ་ཁྲིད་འོག་ཟམ་མི་ཆད་པར་གསར་བརྗེ་དང་། འཛུཊ་སྐྲུན། སྒྱུར་བཅོས་བཅས་བྱས་པའི་ལོ་ངོ་དྲུག་ཅུའི་འོད་སྟོང་འཕྲོ་བའི་མཛེས་རིས་གཅིག་སྡུད་ཐོག་མངོན་པ་དང་། དུས་རབས་གསར་པའི་ཏང་གི་བོད་སྐྱོང་མཛད་ཇུས་ཀྱི་མཛུབ་ཁྲིད་འོག་བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་དར་བཅས་དོན་ཆེན་བཞི་ལ་དམིཊ་ནས། བོད་ཀྱི་བྱ་གཞག་ཁག་ལ་ཕྱོགས་ཡོངས་ནས་ཡར་ཐོན་དང་ལོ་རྒྱུས་རང་བཞིན་གྱི་གྲུབ་འབྲས་ཐོབ་པ་དང་། ཀྲུང་ཧྭ་མི་རིཊ་གཅིག་མཐུན་ཚོཊ་པའི་འདུ་ཤེས་ཀྱི་རྨང་གཞི་གཏིང་ཟབ་པོར་འགྲེལ་བཤད་གཏིང་ཟབ་བྱས་པ། ཀྲུང་གོའི་ལུཊ་ཀྱི་དེང་རབས་ཅན་དེ་གངས་ལྗོངས་ས་མཐོར་གྲུབ་འབྲས་ཐོབ་པའི་ངང་ལག་ལེན་བསྟར་བར་གསོན་ཉམས་དོད་པོས་གསལ་འགྲེལ་བྱས་ཡོད། ཟླ་8པའི་ཚེས་17ཉིན་ནས་ཚེས་19ཉིན་བར། ཀྲུང་དབྱང་བརྙན་འཕྲིན་ལས་ཁུངས་ཀྱི་ཕྱོཊ་བསྡུས་འཕྲིན་ལམ་དང་པོ་དང་། རྒྱ་ཡིག་གི་རྒྱལ་སྤྱིའི་འཕྲིན་ལམ་ཐོག《འོད་སྟོང་འཕྲོ་བའི་ལོ་ངོ་དྲུག་ཅུ་སྟེ། ས་མཐོའི་སྙན་ངག་ལེའུ》སྟོན་པ་བརྒྱུད། བོད་ལྗོངས་ཀྱི་ལོ་ངོ་དྲུག་ཅུའི་འཕོ་འགྱུར་ལ་བདེན་དཔང་བྱ་རྒྱུ་རེད།（ལྷག་པ་ཚེ་རིང་གིས་སྒྱུར་ཞུས་བྱས）