（པར་ངོས་དང་པོར་མཐུད）བང་རིམ་ཁག་དབར་མཉམ་ལས་དམ་ཟབ་བྱས་པ་དང་། རྒྱལ་སྤྱིའི་ཐོག་ཕན་ཚུན་རྒྱབ་སྐྱོར་བྱེད་རེས་བྱས་ཡོད། 2024ལོའི་ཟླ་9པར་གཉེར་བའི་ཀྲུང་གོ་དང་ཨ་ཧྥེ་རི་ཁའི་མཉམ་ལས་གླེང་སྟེགས་ཀྱི་པེ་ཅིང་དབུ་ཚོགས་ཐོག ང་རང་དང་ཀྲུའུ་ཞི་ཞི་ཅིན་ཕིང་གིས་ཐུན་མོང་ཐོག་དཔེ་མཚོན་དུ་བརྩི་རུང་བའི་མོ་རི་ཐ་ཉི་ཡ་དང་ཀྲུང་གོའི་འབྲེལ་བ་དེ་འཐབ་ཇུས་རོགས་ཟླའི་འབྲེལ་བའི་ཆུ་ཚད་དུ་རིམ་པ་སྤོར་རྒྱུའི་ཁྱབ་བསྒྲགས་ཞུས་པ་ཡིན། དེ་ནི་རྒྱལ་ཁབ་གཉིས་པོའི་འབྲེལ་བ་གོང་འཕེལ་གཏིང་ཟབ་ཏུ་འགྲོ་བའི་ཆེས་དོན་དངོས་ཀྱི་མཚོན་ཚུལ་ཞིག་ཡིན་ཞིང་། དེས་མཛའ་གྲོགས་ལྡན་པའི་རྒྱལ་ཁབ་གཉིས་པོའི་མི་དམངས་ལ་བདེ་སྐྱིད་བསྐྲུན་རྒྱུ་དང་། རྒྱལ་ཁབ་ཁག་གི་མི་དམངས་ཀྱི་བདེ་འཇགས་དང་དར་རྒྱས་བདེ་སྐྱིད་ཆེ་རུ་གཏོང་རྒྱུར་ཕན་ཐོགས་ཡོད་ཅེས་གསུངས་པ་རེད།

དེ་ཉིན་རྒྱལ་སྲིད་སྤྱི་ཁྱབ་ཁང་གི་སྲིད་བློན་ལི་ཆང་དང་མོ་རི་ཐ་ཉི་ཡའི་སྲིད་བློན་ཨའེ་ཅ་དབྱི་གཉིས་ཀྱིས་ཕན་ཚུན་རྟེན་འབྲེལ་གློག་འཕྲིན་བཏང་གནང་ཡོད། ལི་ཆང་གིས། ཀྲུང་གོ་ཕྱོགས་ཀྱིས་མོ་རི་ཐ་ཉི་ཡ་ཕྱོགས་དང་ལག་གདང་སྦྲེལ་ནས་འབད་བརྩོན་བྱས་ཐོག ཀྲུང་གོ་དང་མོ་རི་ཐ་ཉི་ཡ་རྒྱལ་ཁབ་གཉིས་དབར་ཕྱི་འབྲེལ་བཙུགས་ནས་ལོ་60འཁོར་བ་གོ་སྐབས་སུ་བརྩིས་ནས། ཀྲུའུ་ཞི་ཞི་ཅིན་ཕིང་དང་སྲིད་འཛིན་ཅ་ཚེ་ཝ་ཉིའི་དབར་བྱུང་བའི་ཐུན་མོང་གི་ངོས་འཛིན་གལ་ཆེན་ནུས་ཤུགས་ཡོད་རྒུས་དོན་འཁྱོལ་བྱས་ནས། ཀྲུང་གོ་དང་མོ་རི་ཐ་ཉི་ཡའི་དབར་གྱི་འཐབ་ཇུས་རོགས་ཟླའི་འབྲེལ་བའི་ནང་དོན་རྒྱུན་ཆད་མེད་པར་ཕུན་སུམ་ཇེ་ཚོགས་སུ་གཏོང་འདོད་ཡོད་ཅེས་གསུངས་པ་རེད།

ཨའེ་ཅ་དབྱིས། མོ་རི་ཐ་ཉི་ཡ་ཕྱོགས་ཀྱིས་ཀྲུང་གོ་གཅིག་གི་རྩ་དོན་ལ་བརྩི་སྲུང་ནན་པོ་ཞུ་བ་དང་། སྲིད་འཛིན་ཅ་ཚེ་ཝ་ཉི་དང་ཀྲུའུ་ཞི་ཞི་ཅིན་ཕིང་གི་གཟིགས་རྒྱང་རིང་བའི་མཛུབ་ཁྲིད་འོག ཀྲུང་གོ་ཕྱོགས་དང་མོ་རི་ཐ་ཉི་ཡ་དང་ཀྲུང་གོའི་འཐབ་ཇུས་རོགས་ཟླའི་འབྲེལ་བར་ཤུགས་སྣོན་བརྒྱབ་སྟེ། རྒྱལ་ཁབ་གཉིས་པོའི་གོང་འཕེལ་ཐད་ཞབས་འདེགས་ཞུ་འདོད་ཡོད་ཅེས་གསུངས་པ་རེད།（ནོར་བུ་ཆོས་སྒྲོན་གྱིས་སྒྱུར་ཞུས་བྱས）