（པར་ངོས་དང་པོར་མཐུད）ས་ཁོངས་དཔལ་འབྱོར་གཞི་གཅིག་ཅན་དང་མཉམ་འབྲེལ་མཉམ་མཐུད་ལ་སྐུལ་འདེད་ཤུགས་ཆེན་གཏོང་བ། ཐོན་ལས་སྦྲེལ་ཐག་དང་མཁོ་སྤྲོད་སྦྲེལ་ཐག་བརྟན་པོའི་ངང་ཤར་བགྲོད་ཐུབ་རྒྱུར་སྲུང་སྐྱོང་བཅས་བྱེད་དགོས། དེ་རིང་། ང་ཚོས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་རང་མོས་ཉོ་ཚོང་ཁུལ་འཛུགས་སྐྲུན་གྱི་མཛུབ་ཁྲིད་ཡིག་ཆ་གསར་པར་ཆོག་མཆན་སྤྲོད་རྒྱུ་ཡིན་པ་དང་། དེས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་སྒོ་དབྱེའི་རྣམ་པའི་དཔལ་འབྱོར་གོང་འཕེལ་ལ་སྐུལ་འདེད་གཏོང་ཆེད་སྒུལ་ཤུགས་གསར་པ་སྣོན་ཐུབ་པའི་ཡིད་ཆེས་ཡོད། ཀྲུང་གོས་སྒོ་དབྱེར་བརྟེན་ནས་སྒྱུར་བཅོས་ལ་སྐུལ་འདེད་གཏོང་རྒྱུ་རྒྱུན་འཁྱོངས་བྱེད་པ་དང་། རང་འགུལ་ངང་རྒྱལ་སྤྱིའི་ཚད་གཞི་མཐོ་བའི་དཔལ་འབྱོར་ཉོ་ཚོང་སྒྲིག་སྲོལ་དང་འབྲེལ་མཐུད་བྱེད་པ། རང་བརྟེན་སྒོ་དབྱེ་རྒྱ་ཆེར་ཧུར་ཐག་གཏོང་བ་བཅས་ཀྱི་ཐོག་ནས།འབྲེལ་ཡོད་ཕྱོགས་ཁག་དང་མཉམ་དུ་གྲངས་འཛིན་དང་ལྗང་མདོག་ཁྱབ་ཁོངས་ཀྱི་ཉོ་ཚོང་གྲོས་ཆོད་འཚོལ་ཞིབ་དང་གྲོས་མོལ་བྱས་ཏེ། གོ་ལ་ཧྲིལ་པོར་ཕྱོཊ་པའི་ཚད་གཞི་མཐོ་བའི་རང་མོས་ཉོ་ཚོང་ཁུལ་གྱི་དྲ་རྒྱ་མུ་མཐུད་ནས་རྒྱ་ཆེར་གཏོང་འདོད་ཡོད།

གཉིས་ནས་ལྗང་མདོག་གསར་གཏོད་ཀྱི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོ་ཁུལ་གྱི་འཕར་ནུས་སྐྱེད་སྲིང་བྱེད་དགོས། དེ་ཡང་ཚན་རྩལ་གསར་བརྗེ་དང་ཐོན་ལས་འཕོ་འགྱུར་གྱི་རེས་སྐོར་གསར་པའི་གོ་སྐབས་ལ་དམ་འཛིན་བྱེད་པ་དང་། མི་ཐབས་རིག་ནུས་དང་། ཚད་རྡུལ་ཆ་འཕྲིན། ཚེ་སྲོག་བདེ་ཐང་སོགས་མདུན་གྲལ་ཁྱབ་ཁོངས་སུ་སྤེལ་རེས་དང་མཉམ་ལས་བྱེད་ཤུགས་ཆེ་རུ་གཏོང་བ། སྒོ་དབྱེ་དང་། འདྲ་མཉམ། དྲང་གཞག མཐོང་ཆུང་མི་བྱེད་པ་བཅས་ཀྱི་གསར་གཏོད་ཁོར་ཡུག་བསྐྲུན་པ་བཅས་ཀྱི་ཐོག་ནས། ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་ཐོན་སྐྱེད་ནུས་ཤུགས་ཆེ་རུ་འགྲོ་བར་སྐུལ་འདེད་གཏོང་དགོས།འབྱུང་ཁམས་གལ་ཆེར་འཇོག་པ་དང་། གྲོན་ཆུང་ལེགས་སྡུད།སྦགས་མེད་ཐཱན་ཉུང་བཅས་ཀྱི་གོང་འཕེལ་རྒྱུན་འཁྱོངས་བྱེད་པ་དང་།གྲངས་འཛིན་ཅན་དང་ལྗང་མདོག་ཅན་མཐུན་སྦྱོར་ངང་བརྗེ་སྒྱུར་གོང་འཕེལ་གཏོང་བར་སྐུལ་འདེད་གཏོང་བ། ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གོང་འཕེལ་གྱི་སྒུལ་ནུས་གསར་པ་དང་བཟང་ཆ་གསར་པ་གཏོད་དགོས།ཀྲུང་གོས་ཡུལ་བབ་དང་བསྟུན་ནས་སྤུས་གསར་ཐོན་སྐྱེད་ནུས་ཤུགས་གོང་འཕེལ་གཏོང་བ་དང་། ཕྱོགས་ཁག་དང་ལྗང་མདོག་གསར་གཏོད་ཀྱི་མཉམ་ལས་གཏིང་ཟབ་ཏུ་གཏོང་བཞིན་ཡོད། 《གོ་ལ་ཧྲིལ་པོའི་གྲངས་གཞི་རྒྱལ་ཁོངས་སྒྲོལ་ཏེ་འཁོར་སྐྱོད་བྱེད་པའི་མཉམ་ལས་ཀྱི་གྲོས་འགོ》ཁྱབ་བསྒྲགས་བྱ་རྒྱུ་མ་ཟད། ཕྱོགས་ཁག་དང་མཉམ་དུ་ནུས་ཆེ་དང་། སྟབས་བདེ། བདེ་འཇགས་བཅས་ཀྱི་གྲངས་གཞི་རྒྱལ་ཁོངས་སྒྲོལ་ཏེ་འཁོར་སྐྱོད་བྱེད་པར་སྐུལ་འདེད་བཏང་བ་བརྒྱུད། ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་སྤུས་མཐོའི་གོང་འཕེལ་ལ་སྟོབས་ཤུགས་སྐྱེས་སུ་འབུལ་འདོད་ཡོད།

གསུམ་ནས་ཀུན་ཕན་ཁོང་ཡངས་ཀྱི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་གོང་འཕེལ་འདུ་ཤེས་བརྟན་པོར་འཛུཊ་དགོས། དེ་ཡང་དཔལ་འབྱོར་ལག་རྩལ་མཉམ་ལས་ལ་ཤུགས་སྣོན་རྒྱག་པ་དང་། གོང་འཕེལ་འགྲོ་བཞིན་པའི་དཔལ་འབྱོར་མ་ལག་དང་ཉམས་ཞན་མི་ཚོགས་ལ་རྒྱབ་སྐྱོར་བྱེད་ཤུགས་ཆེ་རུ་གཏོང་བ། དཔལ་འབྱོར་གོང་འཕེལ་གྱི་ཁེ་ཕན་ཐུན་མོང་ཐོག་ཆེ་རུ་གཏོང་བར་མ་ཟད་བགོ་བཤའ་ཡག་པོ་རྒྱག་པ་བཅས་བྱས་ཏེ། དཔལ་འབྱོར་མ་ལག་དེ་བས་མང་བ་དང་མང་ཚོགས་དེ་བས་མང་བར་གོང་འཕེལ་གྱི་གྲུབ་འབྲས་ལོངས་སུ་སྤྱོད་དུ་འཇུག་དགོས། ཀྲུང་གོ་ཕྱོགས་ཀྱིས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་དཔལ་འབྱོར་མཉམ་ལས་སྒྲིག་འཛུགས་ཁྲོད་གྲོང་མིའི་ཡོང་འབབ་མང་དུ་གཏོང་རྒྱུ་དང་། ཁེ་ལས་འབྲིང་ཆུང་གི་ཁྱུ་ཚོགས་རྣམ་པའི་གོང་འཕེལ་ལ་སྐུལ་འདེད་གཏོང་རྒྱུ་སོགས་ཀྱི་གྲོས་འགོར་སྐུལ་འདེད་བཏང་ནས། ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་དཔལ་འབྱོར་ཀུན་ཕན་དང་ཁོང་ཡངས་ངང་གོང་འཕེལ་འགྲོ་རྒྱུར་སྐུལ་འདེད་གཏོང་རྒྱུ་ཡིན། ཀྲུང་གོས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་དཔལ་འབྱོར་མཉམ་ལས་སྒྲིག་འཛུགས་ཀྱི་2026ལོའི་མགྲོན་བདག་རྒྱལ་ཁབ་ཀྱི་འགན་འཁུར་རྒྱུ་ཡིན་པས་ཕྱོགས་ཁག་དང་མཉམ་དུ་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་མཉམ་ལས་གཏིང་ཟབ་ཏུ་བཏང་ནས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་མི་དམངས་ལ་བདེ་སྐྱིད་བསྐྲུན་རྒྱུའི་རེ་སྒུག་བྱེད་བཞིན་ཡོད།

ཞི་ཅིན་ཕིང་གིས་ནན་གསུངས་གནང་དོན། སྒྱུར་བཅོས་སྒོ་དབྱེ་ནི་ཀྲུང་གོ་དང་འཛམ་གླིང་མཉམ་དུ་གོང་འཕེལ་ཡར་རྒྱས་འགྲོ་བའི་ལོ་རྒྱུས་ཀྱི་འཕེལ་རིམ་ཞིག་རེད། ཀྲུང་གོ་གུང་ཁྲན་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག་སྒྱུར་བཅོས་བྱ་ཐབས་གལ་ཆེན་300ལྷག་བཏོན་ནས། ཆུ་ཚད་མཐོ་བའི་སྤྱི་ཚོགས་རིང་ལུགས་ཀྱི་ཁྲོམ་རའི་དཔལ་འབྱོར་སྒྲིག་སྲོལ་འཛུགས་རྒྱུ་དང་། དཔལ་འབྱོར་སྤུས་མཐོའི་གོང་འཕེལ་ལ་སྐུལ་འདེད་གཏོང་བ། ཆུ་ཚད་མཐོ་བའི་ཕྱི་ཕྱོགས་སྒོ་དབྱེ་རྒྱ་སྐྱེད་གཏོང་བ། མི་དམངས་ཀྱི་འཚོ་བའི་སྤུས་ཚད་ལེགས་སུ་གཏོང་བ། མཛེས་པའི་ཀྲུང་གོ་འཛུགས་སྐྲུན་སོགས་ཁྱབ་ཁོངས་ཁག་གི་ཐད་གོ་རིམ་ལྡན་པའི་བཀོད་ཇུས་རབ་དང་རིམ་པ་བྱས་ཡོད། ཀྲུང་གོའི་གོང་འཕེལ་གྱིས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོ་དང་འཛམ་གླིང་གི་གོང་འཕེལ་ཐད་གོ་སྐབས་གསར་པ་སྔར་བས་མང་བ་སྦྱིན་རྒྱུ་རེད། ཀྲུང་གོས་ཕྱོགས་ཁག་གིས་ཀྲུང་གོའི་གོང་འཕེལ་གྱི་མྱུར་འཁོར་ནང་མུ་མཐུད་དེ་བསྡད་ནས། ཞི་བདེ་གོང་འཕེལ་དང་། གཉིས་ཕན་མཉམ་ལས། ཐུན་མོང་གོང་འཕེལ་བཅས་ཀྱི་འཛམ་གླིང་རྒྱལ་ཁབ་ཁག་གི་དེང་རབས་ཅན་མངོན་འགྱུར་ཡོང་ཆེད་མཉམ་དུ་འབད་བརྩོན་བྱ་རྒྱུར་དགའ་བསུ་ཞུ་རྒྱུ་ཡིན།

ཚོགས་འདུ་དེ་ཕེ་རུའི་སྲིད་འཛིན་པོ་ལུའུ་ཨའར་ཐེས་གཙོ་སྐྱོང་གནང་བ་དང་། བརྗོད་དོན་གཙོ་བོ་ནི་ནུས་སྤྲོད་དང་། ཁོང་ཡངས། འཕར་སྣོན་བཅས་ཡིན།

ཚོགས་འདུའི་ཐོག 《2024ལོའི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་དཔལ་འབྱོར་མཉམ་ལས་སྒྲིག་འཛུགས་ཀྱི་འགོ་ཁྲིད་པའི་མ་ཆིའུ་པི་ཆིའུ་ཡི་བསྒྲཊ་གཏམ》དང་། 《ཨེ་ཤེ་ཡ་དང་ཞི་བདེ་རྒྱ་མཚོའི་རང་མོས་ཉོ་ཚོང་ཁུལ་གྱི་གྲོས་རིམ་གྱི་རྒྱང་ལྟ་གསར་པའི་སྐོར་གྱི་གསལ་བསྒྲཊ》 《ཚད་ལྡན་དང་གོ་ལ་ཧྲིལ་པོའི་དཔལ་འབྱོར་ཕྱོཊ་སུ་བརྗེ་སྒྱུར་བྱེད་པར་སྐུལ་འདེད་གཏོང་རྒྱུའི་སྐོར་གྱི་ལི་མའི་ལམ་ཐིག་ས་བཀྲ》བཅས་ཀྱི་ཡིག་ཆ་གསུམ་སྤེལ་ཡོད།

ཚེས་15ཉིན་གྱི་དགོང་མོར། ཞི་ཅིན་ཕིང་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་དཔལ་འབྱོར་མཉམ་ལས་རྩ་འཛུགས་ཀྱི་འགོ་ཁྲིད་པའི་དངོས་གཞི་མིན་པའི་གྲོས་ཚོགས་ཀྱི་དགའ་བསུའི་གསོལ་སྟོན་ལ་ཞུགས་ཡོད།

ཝང་དབྱི་གོང་གསལ་གྱི་ཚོགས་འདུར་ཞུགས་ཡོད།

（ནོར་བུ་ཆོས་སྒྲོན་གྱིས་སྒྱུར་ཞུས་བྱས）