ཤིན་ཧྭ་གསར་འགྱུར་ཁང་ལི་མ་ནས་ཟླ་11ཚེས་16ཉིན་གློག་འཕྲིན་འབྱོར་གསལ། ས་གནས་དེ་གའི་དུས་ཚོད་ཟླ་11ཚེས་16ཉིན་གྱི་ཕྱི་དྲོར།རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ལི་མ་རུ་ཨ་རིའི་སྲིད་འཛིན་པའེ་ཏེང་དང་མཇལ་འཛོམས་གནང་བ་རེད།

ཞི་ཅིན་ཕིང་གིས་འདས་ཟིན་པའི་ལོ་4ཡི་ནང་ཀྲུང་ཨའི་འབྲེལ་བར་འགྱུར་ལྡོག་ཆེན་པོ་བྱུང་ཡོད་མོད། འོན་ཀྱང་གླེང་མོལ་དང་མཉམ་ལས་བྱས་པས་སྤྱི་ཡོངས་ནས་བརྟན་པོ་བྱུང་ཡོད། ང་ཚོས་ཕྱོགས་གཉིས་པོའི་ཚོགས་པར་མཛུབ་ཁྲིད་བྱས་ཏེ།གྲོས་བསྡུར་བྱས་པ་བརྒྱུད་ཀྲུང་ཨའི་འབྲེལ་བའི་མཛུབ་ཁྲིད་རྩ་དོན་ཁག་ཅིག་གཏན་འཁེལ་བྱས་པ་དང་། རྒྱལ་ཁབ་གཉིས་པོའི་གླེང་མོལ་དང་མཉམ་ལས་སླར་ཡང་ཡང་དག་པའི་སྲོལ་ལམ་ཐོག་བསྐྱོད་རྒྱུར་ཐུན་མོང་ཐོག་སྐུལ་འདེད་བཏང་བ། འབྲེལ་གཏུགས་ལམ་སྲོལ་20ལྷག་ཙམ་སླར་གསོ་དང་གསར་དུ་བཙུགས་པ་བཅས་བྱས་ཏེ་ཕྱི་འབྲེལ་དང་།བདེ་འཇགས།དཔལ་འབྱོར་ཚོང་དོན།ནོར་སྲིད།དངུལ་རྩ།དམག་དཔུང་། དུག་འགོག ཁྲིམས་འཛིན། ཞིང་ལས། （པར་ངོས་གསུམ་པར་གཟིགས）