སྐྱིད་པའི་བོད་ལྗོངས།
གངས་རི་དཀར་ལ་ཆུ་མོ་དྭངས་པ་དང་།
རྩྭ་ཐང་ཡངས་ལ་ནགས་ཀློང་སྟུག་པ་དང་།
ཉི་འོད་འཇམ་ལ་མཁའ་རླུང་གཙང་བ་སོགས།།
བོད་ལྗོངས་ཕྱུག་མོ་སེམས་ཀྱི་གནས་མལ་ཡིན།
འགྲོ་ལམ་བདེ་ལ་རླངས་འཁོར་ཡག་པ་དང་།།
ཁང་བཟང་མཐོ་ལ་བཟོ་བཀོད་མཛེས་པ་དང་།།
ཚོང་སྣ་འཛོམས་ལ་འཚོ་ཐབས་སྐྱིད་པ་སོགས།།
བོད་ལྗོངས་ཕྱུག་མོ་སེམས་ཀྱི་གནས་མལ་ཡིན།།
དུས་ནམ་བདེ་ལ་མི་རྣམས་འཆམ་པ་དང་།།
ཁོར་ཡུག་གཙང་ལ་སྒྲིག་ཆས་ལེགས་པ་དང་།།
ཟས་སྣ་འཛོམས་ལ་ཟས་རྒྱུ་དག་པ་སོགས།།
བོད་ལྗོངས་ཕྱུག་མོ་སེམས་ཀྱི་གནས་མལ་ཡིན།།
དྲིན་གཟོ་ཤེས་ལ་བློ་རྩ་བརྟན་པ་དང་།།
མི་གཤིས་འཇམ་ལ་མི་རྒྱུད་དྲང་བ་དང་།།
ཕྱི་ཐག་རིང་ལ་ཁྲེལ་གཞུང་ཆེ་བ་སོགས།།
བོད་ལྗོངས་ཕྱུག་མོ་སེམས་ཀྱི་གནས་མལ་ཡིན།།
ན་ཚོད་གཞོན་པར་སློབ་ར་གང་མཛེས་དང་།།
ན་སོ་རྒན་པར་འཚོ་རྟེན་གང་བཟང་དང་།།
ན་ཚ་དྲག་པོར་གསོ་བཅོས་གང་འཛོམས་སོགས།།
བོད་ལྗོངས་ཕྱུག་མོ་སེམས་ཀྱི་གནས་མལ་ཡིན།།
སྔར་གྱི་རིག་གནས་རྒྱུན་འཛིན་ལེགས་པ་དང་།།
སྔར་གྱི་གནའ་ཤུལ་སྲུང་སྐྱོབ་བཟང་བ་དང་།།
སྔར་དང་ད་ལྟའི་མཐུན་སྦྱོར་འགྲིག་པ་སོགས།།
བོད་ལྗོངས་ཕྱུག་མོ་སེམས་ཀྱི་གནས་མལ་ཡིན།།
ཕྱི་ཡི་ལོངས་སྤྱོད་ནང་གི་བསམ་བློ་དང་།།
སྤྱི་ཡི་བདེ་འཇགས་སྒེར་གྱི་ཆ་རྐྱེན་སོགས།།
འགྲོ་འདུག་ཉལ་གོས་སྤྱོད་ལམ་གང་ཡིན་རུང་།།
སྲིད་ཇུས་བཟང་པོས་བསྐྱེད་པ་ཤེས་རྒྱུ་གལ།།
བཀྲ་བཟང་།
བོད་ལྗོངས་ལྷོ་ཁ་ཟངས་རི་རྫོང་རོང་ཤང་སློབ་ཆུང་།
藏公网安备 54010202000024号