ཤིན་ཧྭ་གསར་འགྱུར་ཁང་ཨུ་རུ་སུའི་ཁ་ཧྲན་ནས་ཟླ་10ཚེས་22ཉིན་གློག་འཕྲིན་འབྱོར་གསལ། ས་གནས་དེ་གའི་དུས་ཚོད་ཟླ་10ཚེས་22ཉིན་གྱི་ཕྱི་དྲོ། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཁ་ཧྲན་ཁེ་ལི་མུའུ་ལིན་ཕོ་བྲང་དུ་ཨུ་རུ་སུའི་སྲིད་འཛིན་ཕུའུ་ཅིང་དང་མཇལ་འཛོམས་གནང་བ་རེད།

ཞི་ཅིན་ཕིང་གིས་བསྟན་དོན། འདི་ལོ་ནི་ཀྲུང་གོ་དང་ཨུ་རུ་སུའི་དབར་ཕྱི་འབྲེལ་བཙུགས་ནས་ལོ་ངོ་75འཁོར་བའི་ལོ་ཞིག་ཡིན། ལོ་ངོ་75རིང་། ཀྲུང་ཨུའི་འབྲེལ་བར་འགྱུར་ལྡོག་མང་པོ་བྱུང་སྟེ། མནའ་འབྲེལ་མི་བྱེད་པ་དང་། ཁ་གཏད་དུ་མི་ལངས་པ། ཕྱོགས་གསུམ་པར་མི་དམིགས་པ་བཅས་ཀྱི་ཁྱིམ་མཚེས་རྒྱལ་ཁབ་ཆེན་མོ་ཡང་དག་པའི་ངང་འགྲོགས་པའི་ཐབས་ལམ་ཞིག་འཚོལ་ཞིབ་ཐུབ་ཡོད། ཕྱོགས་གཉིས་པོས་ཡུན་རིང་ཁྱིམ་མཚེས་ཀྱི་མཛའ་གྲོགས་དང་། གཉིས་ཁེ་མཉམ་ལས་བཅས་ཀྱི་སྙིང་སྟོབས་ཐོག་ནས་ཕྱོགས་ཡོངས་ཀྱི་འཐབ་ཇུས་མཉམ་ལས་དང་ཁྱབ་ཁོངས་ཁག་གི་དངོས་སྒྲུབ་མཉམ་ལས་རྒྱུན་ཆད་མེད་པར་གཏིང་ཟབ་ཏུ་དང་རྒྱ་ཆེར་བཏང་སྟེ།

（པར་ངོས་གསུམ་པར་གཟིགས）