ཤའོ་ཡིའུ་ཚའེ་ཡིས་ལྷ་སའི་ཕྱོགས་བསྡུས་ཁྲལ་སྲུང་ཁུལ་དུ་བརྟག་ཞིབ་གནང་བ།
ཟླ་9ཚེས་20ཉིན་གྱི་སྔ་དྲོར། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་ལྷ་ས་གྲོང་ཨུད་ཀྱི་ཧྲུའུ་ཅི་ཤའོ་ཡིའུ་ཚའེ་ལྷ་སའི་ཕྱོགས་བསྡུས་ཁྲལ་སྲུང་ཁུལ་དུ་བརྟག་ཞིབ་གནང་བར་ཕེབས་ཤིང་། པར་འདི་ནི་ཤའོ་ཡིའུ་ཚའེ་ཡིས་བོད་ལྗོངས་ཙོན་ཡོན་ཚན་རྩལ་ཚད་ཡོད་ཀུང་སིར་ཁེ་ལས་ཀྱི་ཐོན་སྐྱེད་གཉེར་སྐྱོང་དང་རྒྱལ་མཚམས་སྒྲོལ་བའི་ལས་སྒོ་སྤེལ་ཚུལ་སོགས་ལ་མཁྱེན་རྟོགས་གནང་བཞིན་པའི་རྣམ་པ་ཡིན།
ལྷ་སའི་མཉམ་འདྲེས་སྨྱན་སྦྱོར་ལྟེ་གནས་སུ་གནས་ཚུལ་འབྱོར་གསལ། ཟླ་9ཚེས་20ཉིན་གྱི་སྔ་དྲོར། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་ལྷ་ས་གྲོང་ཨུད་ཀྱི་ཧྲུའུ་ཅི་ཤའོ་ཡིའུ་ཚའེ་ལྷ་སའི་ཕྱོགས་བསྡུས་ཁྲལ་སྲུང་ཁུལ་དུ་བརྟག་ཞིབ་གནང་བར་ཕེབས་ཤིང་། ཁོང་གིས་ནན་གསུངས་གནང་དོན། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ལ་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། རང་སྐྱོང་ལྗོངས་ཏང་ཨུད་ཀྱི་སྐབས་བཅུ་པའི་ཚང་འཛོམས་གྲོས་ཚོགས་ཐེངས་དྲུག་པ་དང་གྲོང་ཨུད་ཀྱི་སྐབས་བཅུ་པའི་ཚང་འཛོམས་གྲོས་ཚོགས་ཐེངས་བརྒྱད་པའི་དགོངས་དོན་ལག་བསྟར་བྱས་ཏེ། ཚུགས་གནས་མཐོར་གཏོང་དང་། བསམ་ཕྱོགས་རྒྱ་བསྐྱེད། ཡིད་ཆེས་བརྟན་གཏོང་། ངར་ཤུགས་གཅིག་སྒྲིལ་བཅས་བྱེད་དགོས་པ་དང་།ཕྱོགས་བསྡུས་ཁྲལ་སྲུང་ཁུལ་གྱི་མིང་བྱང་ཆེན་མོ་མུ་མཐུད་ནས་སྟོབས་ཆེར་བཏང་སྟེ། ལྷ་སའི་ཕྱི་ཕྱོགས་སྒོ་དབྱེའི་མཐོ་ས་གསར་པ་ཧུར་ཐག་གཏོད་དགོས།
རང་སྐྱོང་ལྗོངས་ཁྲལ་དོན་ཅུས་ཏང་ཨུད་ཀྱི་ཨུ་ཡོན་དང་ཅུས་ཀྲང་གཞོན་པ་བཀྲ་ཤིས་ཕུན་ཚོགས་དང་། （པར་ངོས་བཞི་པར་གཟིགས）
藏公网安备 54010202000024号