（པར་ངོས་དང་པོར་མཐུད）སྒྲིག་གཞི་ལམ་སྲོལ་བསྒྱུར་བཅོས་འབུར་དུ་ཐོན་པ་དང་། འཐབ་ཇུས་རང་བཞིན་དང་སྤྱི་ཡོངས་རང་བཞིན་གྱི་བསྒྱུར་བཅོས་གལ་ཆེན་འབུར་དུ་ཐོན་པ། དཔལ་འབྱོར་སྒྲིག་གཞི་བསྒྱུར་བཅོས་ཀྱི་ཁྲིད་སྟོན་ནུས་པ་འབུར་དུ་ཐོན་པ། བསྒྱུར་བཅོས་ཀྱི་ཁྲིད་སྟོན་ནུས་པ་འབུར་དུ་ཐོན་པ་བཅས་བྱས་ཡོད། བཞི་ནས་མི་དམངས་གོང་དུ་བཀུར་བ་དང་། མི་དམངས་ཀྱི་སྤྱི་ཡོངས་ཁེ་ཕན་དང་། རྩ་བའི་ཁེ་ཕན། ཕུགས་ཀྱི་ཁེ་ཕན་བཅས་དོན་དུ་གཉེར་ནས་བསྒྱུར་བཅོས་ལ་ཇུས་བཀོད་དང་སྐུལ་འདེད་བཏང་ཡོད། ལྔ་ནས་མ་ལག་འདུས་གྲུབ་ཤུགས་ཆེར་བཏང་བ་དང་། བསྒྱུར་བཅོས་ལ་སྤྱི་ཡོངས་ཇུས་བཀོད་དང་མ་ལག་བཀོད་སྒྲིག་བྱེད་ཤུགས་ཆེ་རུ་བཏང་སྟེ། ཕྱོགས་ཁག་གི་བསྒྱུར་བཅོས་ཕན་ཚུན་གཞོགས་འདེགས་དང་མཐུན་སྦྱོར་ནུས་ཆེ་ཡོང་བར་བྱས་ཡོད་ཅེས་བསྟན་ཡོད།
ཞི་ཅིན་ཕིང་གིས། གཏན་འབེབས་མ་ཟིན་ནང་2035ལོར་སླེབས་སྐབས་གཞི་རྩའི་ཆ་ནས་སྤྱི་ཚོགས་རིང་ལུགས་དེང་རབས་ཅན་གྱི་དམིགས་འབེན་མངོན་འགྱུར་ཡོང་བར་བྱེད་པར་གཞིགས་ཏེ། གཙོ་གནད་ཐོག་འབྱུང་འགྱུར་ལོ་ལྔའི་རིང་གི་བསྒྱུར་བཅོས་བྱ་ཐབས་གལ་ཆེན་བཀོད་སྒྲིག་བྱས་ཡོད་པ་དང་། ནང་དོན་བཀོད་སྒྲིག་བྱེད་པའི་ཐད་གཤམ་གསལ་གྱི་ཁྱད་ཆོས་འགའ་ལྡན་པ་སྟེ། དང་པོ། དཔལ་འབྱོར་སྒྲིག་གཞི་བསྒྱུར་བཅོས་ཀྱི་ཁྲིད་སྟོན་ནུས་པ་འདོན་སྤེལ་བྱ་རྒྱུར་མཐོང་ཆེན་བྱས་པ་དང་། གཉིས་པ། ཁྱོན་ཡོངས་གསར་གཏོད་ལ་རྒྱབ་སྐྱོར་བྱེད་པའི་སྒྲིག་གཞི་ལམ་སྲོལ་འཛུགས་རྒྱུར་མཐོང་ཆེན་བྱས་པ། གསུམ་པ། ཁྱོན་ཡོངས་བསྒྱུར་བཅོས་ལ་མཐོང་ཆེན་བྱས་པ། བཞི་པ། གོང་འཕེལ་དང་བདེ་འཇགས་ལ་གཅིག་འགྱུར་འཆར་འགོད་བྱ་རྒྱུར་མཐོང་ཆེན་བྱས་པ། ལྔ་པ། ཏང་གིས་བསྒྱུར་བཅོས་ལ་འགོ་ཁྲིད་བྱ་རྒྱུར་མཐོང་ཆེན་བྱས་པ་བཅས་ཡིན་ཞེས་བསྟན་ཡོད། （ལྷག་པ་ཚེ་རིང་གིས་སྒྱུར་ཞུས་བྱས）
藏公网安备 54010202000024号