（པར་ངོས་དང་པོར་མཐུད）བདེ་ཐང་དང་སྤྲོ་སྣང་ལྡན་པའི་ངང་འཚར་ལོངས་འབྱུང་བཞིན་ཡོད་པ་བཅས་ཤེས་སྐབས། ང་རང་དགའ་ཚོར་ཆེན་པོ་བྱུང་ཞེས་འཁོད་ཡོད།

ཞི་ཅིན་ཕིང་གིས་ལོ་ཆུང་བྱིས་པ་ནི་མེས་རྒྱལ་གྱི་འབྱུང་འགྱུར་ཡིན། ཕ་ཡུལ་འཛུགས་སྐྲུན་ཡག་པོ་བྱེད་པ་དང་རང་རྒྱལ་འདི་ཉིད་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་སྟོབས་ཆེན་ཞིག་ཏུ་ཁྱོན་ཡོངས་ནས་འཛུགས་སྐྲུན་བྱེད་པར་ཁྱེད་ཚོའི་མི་རབས་འདིས་རྒྱུན་མཐུད་འབད་འཐབ་བྱ་དགོས། སློབ་གྲོགས་ཚོས་ཕུགས་འདུན་ཆེན་པོ་བཅངས་ཤིང་། དུས་སྐབས་བཟང་པོ་འདིར་གཅེས་འཛིན་བྱས་ཏེ། སྤྱོད་ཤེས་ལུས་མཛེས་ལས་བཅས་ཁྱོན་ཡོངས་ནས་འཕེལ་རྒྱས་གཏོང་རྒྱུ་རྒྱུན་འཁྱོངས་བྱེད་དགོས་པར་མ་ཟད། ཏང་ལ་དགའ་ཞེན་དང་།རྒྱལ་ཁབ་ལ་དགའ་ཞེན། རང་སྟོབས་རང་སྤེལ། འབད་འཐབ་ཡར་བརྩོན་བཅས་ཀྱི་དུས་རབས་གསར་པའི་ལོ་ཆུང་ཡག་པོ་ཞིག་ཆགས་པར་བྱ་རྒྱུ་དང་། རྒྱལ་ཁབ་སྟོབས་ཆེན་འཛུགས་སྐྲུན་དང་མི་རིགས་བསྐྱར་དར་གྱི་འགན་འཁྲི་ཆེན་པོ་འཁུར་ཐུབ་པའི་རྐང་འཛིན་མི་སྣ་ཞིག་ཏུ་འཚར་ལོངས་ཡོང་བར་བྱ་རྒྱུའི་རེ་བ་ཡོད་ཅེས་ནན་གསུངས་གནང་ཡོད།

ཀྲི་ཅང་སློབ་ཆུང་ནི་དེ་སྔ་སི་ཁྲོན་ཞིང་ཆེན་ནན་ཁྲུང་གྲོང་ཁྱེར་ཅ་ལིང་ཆུས་ཀྱི་རི་ཁུལ་སློབ་ཆུང་ཞིག་ཡིན་པ་དང་། རི་མཐོ་ཞིང་ལམ་གཟར་བའི་ཁར་སློབ་ཁང་དང་ཉལ་ཁང་རྙིང་པ་ཤ་སྟག་ཡིན།2004ལོར། ཀྲེ་ཅང་ཞིང་ཆེན་གྱི་ཁ་གཏད་རོགས་སྐྱོར་འོག་སློབ་གྲྭ་དེའི་གནས་སྤོས་པ་དང་། སྐབས་དེ་དུས་ཀྲེ་ཅང་ཞིང་ཨུད་ཀྱི་ཧྲུའུ་ཅི་གནང་བཞིན་པའི་ཞི་ཅིན་ཕིང་ལོ་དེའི་ཟླ་5པར་སློབ་གྲྭའི་རྩིག་རྨང་འདིང་བའི་མཛད་སྒོར་ཞུགས་ཡོད། 2005ལོའི་ཟླ་9པར་སློབ་གྲྭ་དངོས་སུ་བེད་སྤྱོད་བྱེད་འགོ་ཚུགས་པ་དང་། སློབ་གཉེར་ཆ་རྐྱེན་མངོན་གསལ་དོད་པོས་ལེགས་སུ་ཕྱིན་ཡོད། ད་ཆ་སློབ་གྲྭར་སློབ་ཆུང་སློབ་མ་287ཡོད། ཉེ་དུས། ཀྲི་ཅང་སློབ་ཆུང་གི་ལོ་རིམ་ལྔ་པའི་འཛིན་གྲྭ་དང་པོའི་སློབ་མ་ཡོངས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་འཕྲིན་ཡིག་སྤྲིངས་ནས་སློབ་སྦྱོང་དང་འཚོ་བའི་གནས་ཚུལ་སྙན་སེང་ཞུས་པ་དང་། དྲིན་ཚོར་གྱི་བསམ་པ་དང་དུས་རབས་གསར་པའི་ལོ་ཆུང་བྱིས་པ་ཡག་པོ་ཞིག་བྱ་རྒྱུའི་ཆོད་སེམས་མཚོན་པར་བྱས་ཡོད།

（ཨོ་རྒྱན་ཚེ་རིང་གིས་སྒྱུར་ཞུས་བྱས）