ཤིན་ཧྭ་གསར་འགྱུར་ཁང་པེ་ཅིང་ནས་ཟླ5པའི་ཚེས31ཉིན་གློག་འཕྲིན་འབྱོར་གསལ།ཟླ5པའི་ཚེས31ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དང་མ་ལེ་ཞི་ཡའི་ཆེས་མཐོའི་གཙོ་འཛིན་དབྱི་པུའུ་ལཱ་ཞིན་གཉིས་ཀྱིས་ཕན་ཚུན་ལ་རྟེན་འབྲེལ་ཞུ་བའི་གློག་འཕྲིན་བཏང་སྟེ། རྒྱལ་ཁབ་གཉིས་བར་འབྲེལ་བ་བཙུགས་ནས་ལོ་ལྔ་བཅུ་ལོན་པར་རྟེན་འབྲེལ་ཞུས་པ་རེད།

ཞི་ཅིན་ཕིང་གིས་ཀྲུང་གོ་དང་མ་ལེ་ཞི་ཡ་གཉིས་ནི་ལོ་ངོ་སྟོང་གི་མཛའ་བརྩེ་ལྡན་པའི་ཁྱིམ་མཚེས་བཟང་པོ་དང་བློས་ཐུབ་གྲོགས་པོ། མཉམ་ལས་མཉམ་རྒྱལ་གྱི་རོགས་ཟླ་བཅས་ཡིན། འབྲེལ་བ་བཙུགས་ནས་དུས་རབས་ཕྱེད་ཀ་ཙམ་གྱི་རིང་ལ། རྒྱལ་ཁབ་གཉིས་ཀྱིས་ཐོག་མཐའ་བར་གསུམ་དུ་ཁ་ཞེ་གཉིས་མེད་དང་། སྐྱིད་སྡུག་མཉམ་མྱོང་། འཕེལ་རྒྱས་མཉམ་གཉེར་བཅས་བྱས་ནས། ཀྲུང་གོ་དང་མ་ལེ་ཞི་ཡའི་བར་གྱི་འབྲེལ་བ་དུས་ནམ་ཡང་ས་གནས་རྒྱལ་ཁབ་ཀྱི་མདུན་གྲལ་དུ་སླེབས་ཡོད། 2023ལོར། ཕྱོགས་གཉིས་ཀྱིས་ཀྲུང་གོ་དང་།མ་ལེ་ཞི་ཡའི་ལས་དབང་གཅིག་མཐུན་ཚོགས་པ་མཉམ་དུ་འཛུགས་པའི་ཐུན་མོང་གི་འདུ་ཤེས་གལ་ཆེན་གྲུབ་པས།

（པར་ངོས་གཉིས་པར་གཟིགས）