ཤིན་ཧྭ་གསར་འགྱུར་ཁང་ཟི་ལིང་ནས་ཟླ་6ཚེས་20ཉིན་གློག་འཕྲིན་འབྱོར་གསལ། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་ཉེ་ཆར་མཚོ་སྔོན་ལ་རྟོག་ཞིབ་གནང་སྐབས། མཚོ་སྔོན་གྱིས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་ནན་ཏན་བྱེད་པ་དང་། གོང་འཕེལ་གྱི་འདུ་ཤེས་གསར་པ་ཆ་ཚང་བ་དང་གནད་ལ་འཁེལ་བ། ཁྱོན་ཡོངས་བཅས་ཀྱི་སྒོ་ནས་ལག་ལེན་མཐར་ཕྱིན་བསྟར་བ། རྒྱལ་ཡོངས་འཕེལ་རྒྱས་ཀྱི་གནས་བབ་ཧྲིལ་པོའི་ཁྲོད་ཀྱི་མཚོ་སྔོན་གྱི་འཐབ་ཇུས་གནས་བབ་ལ་དམ་འཛིན་ནན་པོ་བྱེད་པ། རང་ངོས་ཀྱི་བཟང་ཆ་འདོན་སྤེལ་གང་ལེགས་བྱེད་པ། སྒྱུར་བཅོས་གཏིང་ཟབ་གཏོང་བ་དང་སྒོ་དབྱེ་རྒྱ་ཆེར་གཏོང་རྒྱུ་མཐའ་འཁྱོངས་བྱེད་པ། འབྱུང་ཁམས་སྔོན་འགྲོར་བརྩི་བ་དང་སྦགས་མེད་འཕེལ་རྒྱས་གཏོང་རྒྱུ་མཐའ་འཁྱོངས་བྱེད་པ། མི་རིགས་མཐུན་སྒྲིལ་དང་ཐུན་མོང་ཕྱུག་འགྱུར་མཐའ་འཁྱོངས་བཅས་བྱས་ནས་མཚོ་བོད་ས་མཐོའི་འབྱུང་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐད་གྲུབ་འབྲས་དེ་བས་ཆེ་བ་ཐོབ་པར་བྱས་ཐོག ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་གྱི་ལེའུ་འབད་པས་རྩོམ་དགོས་ཞེས་ནན་གསུངས་གནང་ཡོད།

ཟླ་6ཚེས་18ཉིན་ནས་ཚེས་19ཉིན་བར། ཞི་ཅིན་ཕིང་གིས་མཚོ་སྔོན་ཞིང་ཆེན་ཏང་ཨུད་ཀྱི་ཧྲུའུ་ཅི་ཁྲེན་ཀང་དང་ཞིང་ཆེན་གྱི་འགོ་འཛིན་ཝུའུ་ཞའོ་ཅུན་གྱིས་ཕེབས་རོགས་འོག ཟི་ལིང་གྲོང་ཁྱེར་གྱི་སློབ་གྲྭ་དང་ཆོས་ལུགས་བྱེད་སྒོ་སྤེལ་ཡུལ་སོགས་སུ་བརྟག་ཞིབ་གནང་བ་རེད།

ཚེས་18ཉིན་གྱི་ཕྱི་དྲོར། ཞི་ཅིན་ཕིང་ཐོག་མར་མགོ་ལོག་ཟི་ལིང་མི་རིགས་སློབ་འབྲིང་ལ་རྟོག་ཞིབ་གནང་བར་ཕེབས་ཡོད། སློབ་འབྲིང་དེ་ནི་མགོ་ལོག་བོད་རིགས་རང་སྐྱོང་ཁུལ་གྱི་ཁོངས་སུ་གཏོགས་པའི་ཞག་སྡོད་ལམ་ལུགས་ཀྱི་སློབ་འབྲིང་ཞིག་ཡིན་པ་དང་། ཧྲང་ཧའེ་གྲོང་ཁྱེར་གྱིས་མ་དངུལ་བཏང་ནས་བསྐྲུན་རོགས་བྱས་པ་ཞིག་ཡིན། ཞི་ཅིན་ཕིང་གིས་ཧྲང་ཧའེ་སོགས་ཤར་རྒྱུད་ས་ཁུལ་གྱིས་མཚོ་སྔོན་གྱི་སློབ་གསོའི་ལས་དོན་དང་སློབ་གྲྭ་སྐྲུན་རོགས་བྱས་ཚུལ་ཐད་ཀྱི་གནས་ཚུལ་ངོ་སྤྲོད་ཞུས་པར་གསན་གནང་བ་དང་། སློབ་མའི་གྲུབ་ཆའི་གནས་ཚུལ་དང་། སློབ་ཚན་བཀོད་སྒྲིག ལུས་རྩལ་སྦྱོང་བརྡར། སྤྱི་སྤྱོད་སྐད་ཡིག་གི་ཆུ་ཚད་སོགས་ཀྱི་གནས་ཚུལ་ཐད་བཀའ་འདྲི་ཞིབ་ཕྲ་གནང་ཞིང་། ཟ་ཁང་དང་ཉལ་ཁང་དུ་ཕེབས་ཏེ་སློབ་མའི་ཟ་མ་དང་ཞག་སྡོད་ཆ་རྐྱེན་ལ་གཟིགས་ཞིབ་གནང་བ། ཟ་ཁང་གི་ལས་དོན་མི་སྣར་ངེས་པར་དུ་སློབ་མའི་བཟའ་བཏུང་བདེ་འཇགས་དང་འཚོ་བཅུད་དང་བྲོ་བ་སོགས་ལ་འགན་ལེན་བྱེད་དགོས་པའི་བཀའ་མངགས་གནང་ཡོད། དེ་རྗེས་ཁོང་མཐོ་རིམ་སློབ་འབྲིང་ལོ་རིམ་དང་པོའི་འཛིན་གྲྭ་དང་པོའི་སློབ་ཁང་དུ་ཕེབས་ནས“དུས་རབས་གསར་པ་དང་ཕ་ཡུལ་གསར་པའི”བརྗོད་དོན་གཙོ་བོའི་བསམ་བློ་ཆབ་སྲིད་སློབ་ཚན་ལ་གསན་གཟིགས་གནང་བ་རེད། སློབ་གྲྭས་བསམ་བློ་ཆབ་སྲིད་སློབ་ཚན་གྱི་ནང་དོན་རྒྱུན་གཏན་སློབ་ཁྲིད་ནང་བཅུག་པ་མཁྱེན་རྟོགས་བྱུང་བ་དང་། ཕྲུ་གུ་ཚོས་དུས་རབས་གསར་པའི་ཕ་ཡུལ་གྱི་དགའ་འོས་པའི་འགྱུར་ལྡོག་བརྗོད་པར་གསན་པ། ཕྲུ་གུ་ཚོའི་རི་མོའི་བརྩམས་ཆོས་ལ་གཟིགས་པ་བཅས་གནང་རྗེས་ཁོང་ཐུགས་དགྱེས་ཚོར་ཆེན་པོ་བྱུང་ཡོད། ཁོང་གིས་སློབ་གསོ་ཚུད་པའི་ཤར་ནུབ་རོགས་ལས་དང་ཁ་གཏད་རོགས་སྐྱོར་ལ་གྲུབ་འབྲས་མངོན་གསལ་དོད་པོ་ཐོབ་པ་དེས་ཀྲུང་གོ་གུང་ཁྲན་ཏང་གི་འགོ་ཁྲིད་དང་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ལམ་ལུགས་ཀྱི་བཟང་ཆ་གང་ལེགས་མངོན་ཡོད་པ་དང་། ཀྲུང་ཧྭ་མི་རིགས་ཁྱིམ་ཚང་ཆེན་མོའི་དྲོ་སྐྱིད་གང་ལེགས་མཚོན་ཡོད། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་རྒྱུ་དེ་སློབ་གྲྭའི་བསམ་བློ་ཆབ་སྲིད་སློབ་ཚན་གྱི་གཙོ་གནད་ཅིག་ཏུ་བརྩིས་ནས།

（པར་ངོས་བཞི་པར་གཟིགས）